എന്ത് കൊണ്ട് സിഹ്ർ ഫലിക്കുമെന്ന വിശ്വാസം ശിർക്കാകുന്നു

06MAY

എന്ത് കൊണ്ട് സിഹ്ർ ഫലിക്കുമെന്ന വിശ്വാസം ശിർക്കാകുന്നു

സിഹ്റ് ഫലിക്കുമെന്ന വിശ്വാസം മുസ്ലീങ്ങളുടെ വിശ്വാസമല്ല. അങ്ങനെ വിശ്വസിക്കാൻ പാടില്ല. ഫലിക്കുമെന്ന് വിശ്വസിക്കുന്നവൻ സ്വർഗത്തിൽ പ്രവേശിക്കുകയില്ലെന്ന് മുഹമ്മദ്‌ നബി (സ) അരുളിയതായി അബൂമൂസ (റ)ൽ നിന്ന് നിവേദനം ചെയ്ത അഹ്മദിന്റെ ഹദീസുണ്ട്.
പിന്നെ ആരുടെ വിശ്വാസമാണിത് ? അത് ജൂതന്മാരുടെ വിശ്വാസമാണ്. സൂറത്തുൽ നിസായിൽ അല്ലാഹു (സു. ത ) പറയുന്നു. കൂടോത്രത്തിൽ വിശ്വാസിക്കുന്നത് ജൂതക്രൈസ്തവരുടെ വിശ്വാസമാനെന്നാണ്.

*”വേദത്തിൽ ഒരു വിഹിതം നല്കപ്പെട്ടവരെ നീ കണ്ടില്ലേ ?.അവർ കൂടോത്രത്തിലും (ജിബിത്ത്) ദുർമൂർത്തികളിലും വിശ്വസിക്കുന്നു “*
*[നിസാഅ^51]*

സിഹ്റ് (السحر)എന്ന വാക്ക് ഏതെല്ലാം അർത്ഥങ്ങളിൽ ഉപയോഗിക്കുന്ന വാക്കാണ് 

*”ആഭിചാരം, ക്ഷുദ്രം, ഇന്ദ്രജാലം, ചെപ്പടിവിദ്യ, മായതന്ത്രം, വശീകരണം, ജാലവിദ്യ, കൺകെട്ട്, മാരണം, എന്നീ അർത്ഥങ്ങളിലെല്ലാം മൊത്തത്തിൽ ഉപയോഗിക്കുന്ന വാക്കാണ് സിഹ്റ്. “[അമാനി മൗലവി തഫ്സീർ 1/219]*

ഖുർആനിലും സുന്നത്തിലും പല അർത്ഥത്തിൽ സിഹ്റിനെ പരിചയപ്പെടുത്തുണ്ട്. മായാജാലo, വശീകരണം, മാരണം, മന്ത്രവാദങ്ങൾക്കോ ‘السحر’എന്ന് പ്രയോഗിച്ചത് കാണാം. ഇതിൽ ഫലനമില്ലാത്തതും, ചിലത് തോന്നലുകൾ ഉണ്ടാക്കുന്നതുമുണ്ട്. ഇവിടെ തർക്കത്തിൽ ഇരിക്കുന്ന ‘സിഹ്റ് ‘ മാരണം, ആഭിചാരം, കൂടോത്രം എന്നീ അർത്ഥത്തിലുള്ള സിഹ്‌റിനെയാണ്. അതിന് യാഥാർഥ്യമോ പ്രതിഫലനമോ ഇല്ല.

ഏതൊക്കെയാണ് സിഹ്‌റിന്റെ വിവിധ വകുപ്പുകൾ 

*”ചുരുക്കത്തിൽ, മന്ത്രതന്ത്രങ്ങൾ, ജപഹോമാദികൾ, ഉറുക്ക് നറുക്കുകൾ, അക്കക്കളങ്ങൾ, രക്ഷാതകിടുകൾ, കയ്യൊതുക്കം, മെസ്മരിസം, ഹിപ്നോട്ടിസം, മയക്കുവിദ്യകൾ ആദിയായവയെല്ലാം സിഹ്‌റിന്റെ സിഹ്‌റിന്റെ ഇനങ്ങളെത്രെ. ഇസ്മിന്റെ പണി, ത്വൽസമാത്ത് മുതലായ പേരുകളിൽ അറിയപ്പെടുന്ന വിദ്യകൾ അങ്ങനെത്തന്നെ. “[അമാനി മൗലവി തഫ്സീർ 1/219]*

എന്തൊക്കെക്കെയാണ് ഈ സിഹ്‌റിൽ (മാരണം, ആഭിചാരം, കൂടോത്രത്തിൽ )അടങ്ങിയിട്ടുള്ളത്. 

*”മിക്കതിലും ഭൂതം, ജിന്ന്, മലക്ക്, ദേവൻ, ദേവി, പിശാച്, മരണമടഞ്ഞവർ, നക്ഷത്രഗ്രഹങ്ങൾ ആദിയായ ഏതിൽ നിന്നെങ്കിലുമുള്ള സഹായാർത്ഥനകളും, ചില പ്രത്യേക തരത്തിലുള്ള കർമ്മ മുറകളും അടങ്ങിയിരിക്കും.ചിലപ്പോൾ, ചില മരുന്നുകളും മന്ത്രതന്ത്രങ്ങളും കൂട്ടിയിണക്കിക്കൊണ്ടുമായിരിക്കും.” [അമാനി മൗലവി തഫ്സീർ 1/219]*

അതുകൊണ്ട് ഈ പ്രവർത്തിയിൽ ശിർക്കാനുള്ളത്. അല്ലാഹു അല്ലാത്തവരോട് സഹായം തേടുകയും പൂജിക്കുകയും ചെയ്യുന്നു.അങ്ങനെയാണെങ്കിൽ സിഹ്റ് ഫലിക്കുമെന്ന് പറഞ്ഞാൽ, അതിന്റെ അർത്ഥം ശിർക്കിന് ഫലം കണ്ടു എന്നാകും.അതുകൊണ്ടാണ് സിഹ്‌റിൽ വിശ്വസിക്കുന്നതും ശിർക്കാണെന്ന് പറയാനുള്ള കാരണവും. പിന്നെ എന്തിനാണ് സിഹ്റിനെ വൻപാപമാക്കിയത്, ?.ഫലം ഉണ്ടായതുകൊണ്ടാണോ ? അല്ല. അല്ലാഹുവിൽ പങ്ക് ചേർക്കുന്നതുകൊണ്ടാണ് വൻപാപമാക്കിയത്. അല്ലാഹുവിൽ അങ്ങെനയൊരു പങ്കുകാരില്ലല്ലോ. വൻപാപമാക്കാനുള്ള മറ്റൊരു കാരണം, മറ്റൊരാളെ ഉപദ്രവിക്കണo എന്ന ഉദ്ദേശകൊണ്ടുമാണ്.

സിഹ്റ് ചെയ്യുന്ന,അല്ലെങ്കിൽ ചെയ്യിപ്പിക്കുന്നയാളുടെ ലക്ഷ്യമെന്താണ് 

*”ഗൂഢവും അദ്രശ്യവുമായ മാർഗത്തിലൂടെ ആപത്തുകളിൽ നിന്ന് രക്ഷ നേടുക. ശത്രുക്കൾക്കും മറ്റും ആപത്തുവരുത്തുക, മറഞ്ഞ കാര്യങ്ങൾ അറിയുക, വൻകാര്യങ്ങൾ സാധിക്കുക, ആളുകൾ തമ്മിൽ ഇണക്കുകയോ പിണക്കുകയോ ചെയ്യുക, മരണപെട്ടവരുടെ ആത്മാക്കളുമായി ബന്ധപ്പെടുത്തുക, അത്ഭുത കൃത്യങ്ങൾ കാണിക്കുക മുതലായവയാണ് സിഹ്‌റിന്റെ ലക്ഷ്യങ്ങൾ. “[അമാനി മൗലവി തഫ്സീർ 1/219]*

അതുകൊണ്ട് ഈ ലക്ഷ്യങ്ങളുടെ ഫലം പ്രതീക്ഷിക്കുന്നത് മറഞ്ഞ വഴിക്കാണ്. മറഞ്ഞവഴിക്ക് അദ്രശ്യമായ നിലയിൽ ഉപകാരോപദ്രവങ്ങങ്ങൾ ചെയ്യുവാൻ കഴിവുള്ളവൻ അല്ലാഹു മാത്രമാണല്ലോ. അപ്പോൾ സിഹ്റ് ഫലിക്കുമെന്ന് വിശ്വസിക്കുന്നത് വഴി അല്ലാഹുവിനു മാത്രമുള്ള കഴിവിൽ പങ്കു ചേർക്കലാകുന്നു. അല്ലാഹുവിന് അങ്ങനെ പങ്കുകാരില്ലാത്തതുകൊണ്ട് തന്നെ അതിനൊന്നും പ്രതിഫലനവുമില്ല.

*”മിക്കവാറും ഇനങ്ങൾ യഥാർഥ്യമില്ലാത്തതും തനി പകിട്ടുമായിരിക്കും. ചിലതാകട്ടെ, മാനസികമായ മാറ്റങ്ങൾ ഉണ്ടാക്കുന്നതും അതുവഴി ചില അനുഭവങ്ങൾ പ്രകടമാക്കുന്നതുമായിരിക്കും. [അമാനി മൗലവി തഫ്സീർ 1/219]*

സിഹ്‌റിന്റെ കൂടുതൽ ഇനങ്ങൾക്കും യാഥാർഥ്യമില്ലായെന്നും വളരെ ചുരുക്കം, ചില ഇനങ്ങൾക്ക് മാനസികപരമായ തോന്നലുകൾ ഉണ്ടാകുമെന്നതാണ് വസ്തുത. അതേതാണെന്ന് സാമാന്യബുദ്ധിയുള്ള വായനക്കാർക്ക് മനസിലാക്കിയെടുക്കാം. ചിന്തിക്കാത്തവരുടെ അവസ്ഥ കഷ്ടം തന്നെയാണ്.